Amador Rey Rodríguez

Obreiro do estaleiro Empresa Nacional Bazán en Ferrol, militante do PCE e responsable do Comité Local de CCOO. Foi asasinado o 10 de marzo de 1972 xunto ao seu compañeiro Daniel Niebla no marco dunha manifestación contra o despedimento dos líderes sindicais e a exigencia de melloras, na que a policía franquista disparou munición real contra a multitude desarmada. No seu recordo, o 10 de marzo instaurouse como día da clase obreira galega.

Amada García Rodríguez

Militante do Partido Comunista en Mugardos e feminista, sometida a arresto domiciliar e traballos forzados tralo golpe de Estado de 1936, detida en abril de 1937 estando embarazada, foi sometida a un consello de guerra que a condenou a morte, sendo executada o 27 de xaneiro de 1938. En xaneiro de 2026 a xustiza anulou o seu consello de guerra.

Ramiro Carrodeguas Castro

De formación autodidacta, era Cabo de artillería da Armada, e ao producirse o golpe, liderou xunto ao Maestre Manso, a defensa da legalidade republicana nas Brigadas de Instrucción do Arsenal. Dous días despois, negociaron a rendición en Capitanía Xeral, obtendo a promesa de respetar as vidas, máis foi condenado a morte por un un Consello de Guerra, sendo fusilado o 5 de setembro na Punta do Martillo do Arsenal e soterrado no cemiterio de Canido.

Daniel Niebla García

Obreiro do estaleiro Empresa Nacional Bazán en Ferrol, militante do PCE e responsable do Comité Local de CCOO. Foi asasinado o 10 de marzo de 1972 xunto ao seu compañeiro Amador Rey no marco dunha manifestación contra o despedimento dos líderes sindicais e a exigencia de melloras, na que a policía franquista disparou munición real contra a multitude desarmada. No seu recordo, o 10 de marzo instaurouse como día da clase obreira galega.

Antonio Azarola Gresillón

Contraalmirante, Ministro de Mariña durante o goberno de Portela Valladares, dende 1934 era o segundo xefe da Base Naval en Ferrol e xefe do Arsenal, ainda que con vacilación, decidiu non formar parte da sublevación militar, polo que tralo triunfo desta, foi detido, sometido a un xuizo sumarísimo e condenado a morte, sendo fusilado o 4 de agosto de 1936 no cuartel de Dolores.

Juan García Niebla

Mestre, fundador da escola pública de Caranza, director na de Serantes, Ferrol Vello e Canido. Formou parte da sección de traballadores da ensinanza da UGT. Co golpe de Estado foi detido no buque Plus Ultra e asasinado o 17 de agosto de 1936. Está soterrado nunha fosa común do cemiterio de Canido.

Gumersindo Díaz

José López Bouza

Funcionario municipal, presidente da Agrupación local de Izquierda Republicana, foi elixido concelleiro durante a II República e presidiu a xestora da Deputación. Formou parte da comisión que presenta en Madrid o Estatuto de Galicia en xullo de 1936; ao regresar, é detido o 21 de xullo, sendo condeado a cadena perpetua. O 30 de agosto é sacado do cárcere do partido e asasinado no cemiterio de Canido.

Miguel Mendiguchia Real

Capitán honorario de Infantería de Marina en situación de retiro, militante de Izquierda Republicana e tesoreiro na directiva do Frente Popular. Foi detido no Concello o 21 de xullo de 1936, condeado a cadea perpetua. O 25 de agosto foi sacado do cárcere do partido e asasinado no cemiterio de Canido.

Matías Usero Rey-Torrente

Apóstata, doutor en teoloxía e Mestre, foi vicepresidente do Comité Municipal de Unión Republicana, da Fraternidad de Cultura ferrolana e director da escola racionalista de Ferrol, de carácter anarquista. Foi excomulgado e as súas obras foron incluídas no índice de libros prohibidos. Foi detido o 24 de xullo de 1936 e procesado, sendo asasinado o 18 de agosto.

Luis Pérez Carballa

Coronel médico da Armada retirado, exerceu moitos anos coma xefe de clínica, subdirector e xefe de sanidade do hospital de Ferrol; masón, membro da irmandade da fala, asinou o Manifesto da Asemblea Nacionalista de Lugo; Os golpistas lle interceptaron unha carta dirixida a Giral onde reiteraba a súa fidelidade e compromiso ca República, foi detido e condenado a morte nun consello de guerra, sendo fusilado o 15 de marzo de 1937.

Xaime Quintanilla Martínez

Medico ciruxano, político socialista e destacado intelectual: impulsor das irmandades da fala, conferenciante, escritor, xornalista e dramaturgo. Foi o primeiro alcalde republicano de Ferrol, participando na redacción do estatuto e na súa campaña. O 27 de xullo de 1936 foi encarcelado no buque Plus Ultra, de onde foi sacado xunto con 14 personas e asasinado no cemiterio de Canido.

Mario Rico Cobas

Calderero na constructora naval, fundador da publicación "Cultura Proletaria" e dramaturgo, foi un militante moi destacado na CNT e no partido sindicalista, sufrindo varias detencións pola súa militancia, incluso durante a República. O 21 de xullo de 1936 foi apresado no Concello de Ferrol, levandoo á prisión da Escollera; decretada a súa liberdade sen cargos, foi entregado á forza pública, sendo asasinado en Canido o 18 de agosto.

Segundo Vilaboy Martínez

Traballador da Constructora Naval, militante do Partido Comunista, secretario político do comité de Ferrol, uniuse á guerrilla ao ser descuberta a súa célula. En maio de 1947 é ferido na cabeza nun enfrontamento ca Guardia Civil, capturado, é torturado salvaxemente para que delate aos seus compañeiros. Non fala e foi condenado en Consello de Guerra, sendo executado a Garrote Vil no cárcere do partido de Ferrol o 9 de decembro de 1947.